Internet Boerderybestuurstelsel

Farm-IT bied 'n boerderybestuurstelsel wat uit  twee modules bestaan.  Die eerste module word op die klient  se persoonlike rekenaar geïnstalleer. Hier word al die aktiwiteite wat op die plaas plaasvind ge-allokeer na ‘n bestuursone of land.  Dit is die “sakboekie” van die stelsel.  

Die voordeel wat die internet verskaf vir die kliënt gemoedsrus sodat hy met ‘n druk van ‘n knoppie gereelde “back-ups” kan maak vanaf sy rekenaar na ‘n sentrale rekenaar by Farm-IT.  Die internet (tweede module) verskaf dan ook aan die stelsel die vermoë dat waar die insetverskaffers sy klient besoek het en hulle saam op ‘n plan besluit het, dat die insetverskaffer hierdie inligting dan via die stelsel terug plaas op sy kliënt se stelsel.  Hierdie inligting word dan weer deur die boer na sy stelsel afgelaai.

Die stelsel is gemik op die landbousektor van Suidelike Afrika en fokus op die Boer, Ko-öperasie, Insetverskaffer en Finansiële instellings.

Elke ingeskryfde kliënt teken aan op 'n eie unieke wagwoord wat die beskerming van die inligting verseker. Die Boerderybestuurstelsel bied aan die verbruiker verskeie voordele insluitend:

• Akkurate rekordhouding van alle aktiwiteite op landvlak of bestuursone. 
• Die boer is in staat om gedetailleerde en akkurate inligting te onttrek oor sy boerderyaktiwiteite.
• Die stelsel laat beter besluitneming toe - 'n direkte resultaat van die verwerking van akkurate inligting.