Agronomiese Konsultasie Dienste

Die landboukundige konsultasie diens wat Farm-IT verskaf, bied onafhanklike advies op verskillende gespesialiseerde gebiede.  Hierdie vakkundige diens word ondermeer aangebied op:

• Hulpbronkwantifisering:  Chemiese Samestelling
  Dit word gedoen deur op roosterbasis gate in die grond te boor en chemiese eienskappe van die grond by elk te bepaal.  Aangesien die posisie van die opnamepunt bekend is, kan die data interpoleer word en kaarte van elke opnamebesonderheid getrek word, bv aanduiding van grondsuurheid of voedingstofstatus.

• Hulpbronkwantifisering:  Fisiese Samestelling
  Dit behels die bepaling van grond se fisiese eienskappe, bv tipe (naam), effektiewe diepte, tekstuur en potensiaal.  Die basiese produk is ‘n grondsamestellingskaart en gronddiepte ontleding wat volledige grondkartering moontlik maak.

• Hulpbronkwantifisering:  Selektiewe Opnames
  Dit is ‘n spesialis aanwending waar homogene areas selektief gemonster word en ontleed word.

• Landboukundige Adviesdiens
  Presisieboerdery data word verwerk en interpreteer tot sinvolle gebruikswaarde en aanbevelings gedoen word op grond van die inligting.  Ad hoc dienste bv. insetbeplanning, drakragbepaling van weiding, voervloeibeplanning en wildplaasbeplanning word gedoen.