Afstandswaarneming (satellietbeelde) en GPS Dienste

Afstandswaarneming vind plaas op twee vlakke.  Op 'n mikrovlak help dit met die bepaling van gewasstremming, terwyl dit op 'n makrovlak help om aangeplante lande te identifiseer wat weer behulpsaam is met oesskattings.  

Indien die boer inskryf, ontvang hy 5 beelde deur die groei-seisoen (AgriMage produk).  Met satellietbeelde kan die boer sien wat die reaksie is van sy bestuurstyl op sy lande is. Met ander woorde, die reaksie van die plant hang af van die klimaat op die een hand, maar ook die bestuur van die boer op die ander hand. 

Hiermee kan hy sy lande/bestuursones akkuraat bestuur en met behulp van sy akkurate rekords, akkurate besluite neem.  Hierdie geïnterpreteerde afstandswaarneming word via die Internet verskaf waar dit direk gekoppel word aan die bestuurstelsel van die boer. 

Deur gebruik te maak van GPS opmeting word die akkurate oppervlakte van elke land/bestuurssone verskaf, wat 'n belangrike komponent van presisieboerdery is.  GPS gekoppelde grondkartering verskaf aan die boer en landboukundige akkurate inligting om besluite te neem op grond van bemestingsaanbevelings en potensiaalgebied binne ‘n land.